Palig-ona ang Imong Pagsalig nga si Jehova Makaluwas Gyod Nimo

Basaha ang Numeros 13:25–14:4 ug matikdi ang kawalay-pagsalig sa mga Israelinhon kang Jehova.

Sayra pag-ayo ang konteksto. Nganong ang kasinatian sa mga Israelinhon dihang migawas sila sa Ehipto angay untang magpalig-on sa ilang pagsalig nga kaya silang luwason ni Jehova gikan sa mga Canaanhon? (Sal. 78:​12-16, 43-53) Nganong nawad-an silag pagsalig kang Jehova? (Deut. 1:​26-28) Giunsa pagpakita ni Josue ug Caleb nga misalig sila kang Jehova?—Num. 14:​6-9.

Sayra pag-ayo ang mga detalye. Unsa untay gihimo sa mga Israelinhon aron molig-on ang ilang pagsalig kang Jehova? (Sal. 9:10; 22:4; 78:11) Unsay koneksiyon sa pagtahod kang Jehova ug sa pagsalig kaniya?—Num. 14:11.

Hunahunaa ang mga leksiyon. Pangutan-a ang kaugalingon:

• ‘Sa unsang mga situwasyon nga malisdan tingali kong mosalig kang Jehova?’

• ‘Unsay puwede nakong himoon aron molig-on ang akong pagsalig kang Jehova karon ug sa umaabot?’

• ‘Dihang magsugod na ang dakong kasakitan, sa unsa ko makasalig?’—Luc. 21:​25-28.