Espesyal Payunir sa 50 ka Tuig

NIADTONG 1964, giasayn ko ingong espesyal payunir sa Manokwari, West Papua, diin may gamayng kongregasyon nga gikontra sa lokal nga mga lider sa relihiyon. Wala madugay, gisulong ko sa ministro sa Protestante.

“Gub-on nako ning balaya ug palayason ang tanang Saksi ni Jehova sa Manokwari,” misinggit siya.

Kay polis man ko kaniadto, wala ko mahadlok sa iyang pagsingka. Kalma ra kong mitubag, ug sa ulahi milakaw ra siya nga malinawon.—1 Ped. 3:15.

Sa una, walo ra ang magmamantala sa Manokwari. Karon, paglabayg mga 50 ka tuig, pito na ang kongregasyon. Kapig 1,200 ang mitambong sa lokal nga kombensiyon sa 2014. Nalipay gyod ko sa nahimo ni Jehova niining hilit nga lugar.