Nganong Moampo sa Ngalan ni Jesus?

Tubag sa Bibliya

Kinahanglang moampo kita sa Diyos sa ngalan ni Jesus kay kini ang bugtong dalan nga giuyonan sa Diyos aron kita makaduol Kaniya. Si Jesus miingon: “Ako ang dalan ug ang kamatuoran ug ang kinabuhi. Walay makaadto sa Amahan kon dili pinaagi kanako.” (Juan 14:6) Giingnan usab ni Jesus ang iyang matinumanong mga apostoles: “Sa pagkatinuod gayod ako magaingon kaninyo, Kon kamo mangayo sa Amahan sa bisan unsa kini iyang ihatag kaninyo sa akong ngalan.”—Juan 16:23.

Dugang mga rason kon nganong moampo sa ngalan ni Jesus

• Atong gipasidunggan si Jesus ug ang iyang Amahan, si Jehova nga Diyos.—Filipos 2:9-11.

• Atong gipakita nga gipabilhan nato ang kamatayon ni Jesus ingong tagana sa Diyos alang sa atong kaluwasan.—Mateo 20:28; Buhat 4:12.

• Atong giila ang talagsaong papel ni Jesus ingong Tigpataliwala tali sa Diyos ug sa mga tawo.—Hebreohanon 7:25.

• Atong gitamod ang pag-alagad ni Jesus ingong Hataas nga Saserdote nga makatabang nato sa pagbatog hinlong baroganan atubangan sa Diyos.—Hebreohanon 4:14-16.