Mga Plano sa Pagbasag Bibliya

Naa sa Bibliya ang pinakamaayong impormasyon nga makatabang sa atong pagkinabuhi. Kon regular nimo kining basahon ug palandongon ug ipadapat ang imong mga nakat-onan, “magmalamposon ka.” (Josue 1:8; Salmo 1:1-3) Mailhan sab nimo ang Diyos ug ang iyang Anak, si Jesus, ug kana nga kahibalo makahatag nimog kaluwasan.​—Juan 17:3.

Unsang libro sa Bibliya ang unahon nimog basa? Naa kay kapilian. Niini nga eskedyul sa pagbasag Bibliya, puwede nimong basahon ang mga libro sa Bibliya nga pasunod o basahon kini base sa topiko. Pananglitan, puwede nimong basahon ang pipila ka piniling mga kapitulo nga naghisgot sa kasaysayan sa pagpakiglabot sa Diyos sa karaang Israel. Puwede pod nimong basahon ang ubang mga kapitulo nga naghisgot kon sa unsang paagi nagsugod ug miuswag ang Kristohanong kongregasyon sa unang siglo. Kon magbasa kag usa ka set sa mga kapitulo kada adlaw, mabasa nimo ang tibuok Bibliya sulod sa usa ka tuig.

Kon gusto nimong basahon ang Bibliya kada adlaw o humanon kinig basa sa usa ka tuig o nangita kag plano sa pagbasag Bibliya para sa mga bag-ohan, kini nga eskedyul makatabang nimo. I-download kining ma-print nga plano sa pagbasag Bibliya, ug sugdi na karon ang pagbasa.