Gikan sa Among mga Magbabasa
Pagsukol sa mga Manglulugos
Buot kong ipahayag ang akong pasalamat sa artikulong nag-ulohang “Ilang Gisuklan ang mga Manglulugos.“ (Hulyo 22, 1984 sa Cebuano) Dili pa dugay samtang ako nagpauli sa mga 8:15 s.g. ako giatake sa usa ka lalaki. Dihadiha miabot sa akong hunahuna ang gihisgotang artikulo. Sa taudtaod, dihang ako wala mouyon sa iyang hangyo nga mohilom ako ako misinggit na usab, sa maong panahon “Jehova tabangi ako!” Ako gibuhian sa mangangatake ug milakaw siya. Kon wala pa ang inyong artikulo ako dili unta makapanalipod dayon sa akong kaugalingon.
L. G., Canada
Ilang Naangayan ang Ingon
Sa inyong artikulong “Ilang Naangayan ang Ingon!“ (Hunyo 22, 1983) inyong nalimtan ang usa ka pundok: kamo mismo, mga Saksi ni Jehova. Dili ikalalis ang inyong pagsaway sa mga gobyerno karong adlawa makataronganon. Apan ako nagasaway kaninyo tungod sa dili pagsulay sa paghimo niana nga mas maayo. Lagmit kamo dunay igong tawo nga sa moral ug sa propesyonal kuwalipikado nga uban ang maayong konsensiya makadawat sa mga katungdanan sa pagdumala sa komunidad ug along kaniya ang usa ka tawo makabotar nga dili kinahanglang mabalaka. Ang inyong padayong mga paghisgot sa bag-ong kahikayan sa umaabot dili makapamatarong sa inyong kagawian karong adlawa sa panahong ang maong bag-ong kahikayan wala pa maglungtad. Dili kabubut-on sa Diyos nga ang tanan tugotang magpadayon sa iyang mga kapintasan nga walay pagbabag. Busa katungdanan niadtong nagaila niining kamatuorana sa paghimog mga tikang sa pagbag-o niini. Nga mao, gawas kon atong naangayan ang ingon.
M. Z., Federal Republika sa Alemanya
Mouyon kaming ang tanang nagtuo sa umaabot nga Bag-ong Kahikayan sa Diyos kinahanglang magkinabuhi karon nga nahiuyon sa iyang matarong nga mga prinsipyo. Ang mga Saksi ilado sa tibuok kalibotan sa pagkamaminatud-on, makugihong katawhan nga buotan, kasaligan, masundanon sa balaod ug mahunahunaon sa uban. Sila nagagugol usab sa daghan nilang libreng panahon sa pagtudlo niining hinungdanong mga prinsipyo sa Bibliya ngadto sa uban, nga nagatabang sa uban sa pagbatog kaayohan pinaagi sa pagkinabuhing nahiuyon sa mga prinsipyo sa Bibliya. Sa laing bahin, si Jesu-Kristo mismo nagpasiugda nga ang iyang mga sumusunod angay dili malangkit sa politikanhong kahikayan niining presenteng kalibotan, nga misulti kanila: “Kamo dili bahin sa kalibotan, apan akong gipili kamo gikan sa kalibotan.” (Juan 15:19) Sa gipakaon ni Jesus ang usa ka panon, ang pila ka tawo buot moilog kaniya ug himoon siyang hari, apan si Jesus mipahilayo gikan kanila. (Juan 6:14, 15) Siya mipahayag sa prinsipyo nga ang usa dili magatapak sa usa ka bag-ong panapton sa usa ka daang sinina, ni ang usa magabubog bag-ong bino ngadto sa daang sudlanan nga panit sa bino. (Mateo 9:16, 17) Sa gidakop siya, mahimong ipalangkit unta ni Jesus ang iyang mga tinun-an ug bisan mga manulonda sa pagpanalipod kaniya, apan siya misulti sa atubangan kang Pilato: “Ang akong gingharian dili bahin niining kalibotana.” (Juan 18:36; Mateo 26:52, 53) Bahin sa mga kahimtang niining kalibotana, ang mga Saksi ni Jehova tinong dili “moangay sa ingon,” ug kini gipakita sa ilang panig-ingnan ug kalihokan sa tibuok kalibotan. Niini ilang glnasunod ang mga sugo ug panig-ingnan ni Jesus.—ED.