Kon Kanus-a Molupad ang Dulon

Ang mga dulon dili makalupad dihang bugnaw ang ilang mga lawas. Busa, sa dihang ang temperatura mous-os sa magabii, kasagaran sila mopasilong diha sa mga alad nga tanom o sa mga lungag sa mga paril. Ang kaunoran niining mga insektoha magpabiling gahi hangtod sila mainitan sa adlaw. Sa diha lamang nga ang mga dulon makabaton sa temperatura sa lawas nga duolag 70 degrees Fahrenheit (21° C.) nga sila makaarang sa paglupad.

Kining mga kamatuorana bahin sa mga dulon moabag sa pagsabot sa Nahum 3:17, nga mabasa: “Ang imong mga magbalantay maoy sama sa dulon, ug ang imong mga opisyales nga nagapanawag sama sa panon sa dulon. Sila nagapahimutang diha sa mga batong koral sa mabugnaw nga adlaw. Ang adlaw mismo mosilang, ug sila tinong manglupad; ug ang ilang dapit sa pagkamatuod wala hibaloi kon diin sila.” Samag mga dulon, ang mga magbalantay ug opisyales nga nagapanawag sa Nineve mahanaw tungod sa kainit sa paglikop. Ang ilang pagkawala mahimong hinanali sama sa pagpanglupad sa panon sa dulon nga mainitan sa mga silaw sa adlaw.