Aduna bay Hulmigas Diha sa Imong mga Tanom?

Daghang tawo naghunahunang makadaot ang hulmigas sa mga tanom nga tingali nagatubo diha sa balay o tanaman sa usa. Bisan pa niana, ang mga kaplag ni Dr. David Inouye sa University of Maryland nagatanyag sa pila ka makaiikag nga kahayag mahitungod sa kalihokan niining gagmay nga mga linalang. Mopatim-aw nga ang hulmigas mosaka kanaog sa mga paklang sa mga tanom tungod kay sila nagakalipay sa pagpaningaon sa dugos sa ilang mga bulak. Dugang pa, tungod kay sa kinaiya militaristikanhon, sila mogukod sa ubang insekto nga tingali mangahas sa paghilabot sa ilang gipiho nga teritoryo uban sa tam-is nga bahandi niini. Busa ang hulmigas maoy maayo, kinaiyanhong mga tigpanalipod sa daghang makadaot nga insekto nga nagatinguha sa pagkaon nga labaw pa sa tanom inay sa dugos lamang sa bulak niini.