Ang Pagkaligog Mainit sa Shower Hayan Makadaot sa Panglawas

“ANG pagkaligog mainit sa shower, paglaba o paghugas sa mga plato hayan makadaot sa imong panglawas, sumala sa pagtuon nga nagpakitag dakong sukod sa makakanser nga mga kemikal ang makagawas gikan sa tubig sa balay sa panahon sa adlaw-adlaw nga paggamit. Ang pagkaladlad sa trichloroethylene (TCE), komung tighugaw sa tubig, ug chloroform, kaluhang produkto sa klorinasyon, moabot ug 50 ka pilo nga mas taas gikan sa paghanggap sa mga alisngaw sa tubig kay sa pag-inom ug tubig, miingon ang kemiko nga si Julian Andelman sa University of Pittsburgh Graduate School of Public Health. Nakita sa iyang mga pagtuon nga ang mainit nga tubig sa shower, pananglitan, mopagawas ug mga 50 porsiento sa natunawng chloroform ug 80 porsiento sa natunawng TCE diha sa hangin. Alang sa mga tawo nga anaa kanunay sa balay, ang mga alisngaw gikan sa mga makinang panglaba ug makina sa paghugas ug plato maoy dagkong mga tuboran sa pagladlad, miingon si Andelman. Aniay mga panagana: ayaw pagdugay sa pagkaligo sa shower ug sa paghumol diha sa banyera, gamit ug bugnawng tubig ug mga exhaust fan kon mahimo aron makagawas ang mga alisngaw.”—International Wildlife, Enero/Pebrero 1987.