Ang Clownfish ug ang Talikod

Ang symbiosis nagkahulogang “ubanay sa pagpuyo.” Kon parehong nakabenepisyo ang duha, kining praktisa nailhan usab nga mutuwalismo. Mao kanay situwasyon tali kang Gg. Clownfish ug kang Gg. Talikod.

Sa unsang paagi nagaobra ang maong relasyon?

Naputos ang mga gaway sa talikod ug nagapamaak nga mga selula. Kon ang manunukob madani sa pagsulod sa paggukod sa nagkapaykapay nga clownfish, mapakaan sila, mapatay, ug makaon sa talikod. Ang clownfish, sa baylo, mokaon sa mga mumho gikan sa talikod—kasagaran agawon kini gikan sa baba sa talikod.

Apan nganong ang clownfish dili man paakon ug kan-on sa tig-abiabi, ilabina kay mangagaw man ang isda ug pagkaon gikan sa baba sa iyang tig-abiabi?

Nadiskobrehan sa mga siyentipiko nga ang pagkadili-madutlan sa clownfish dili tungod kay giila sa talikod ang mga serbisyo nga gihatag sa nagpuyo niini. Hinunoa, ang kausaban sa lawaylawayng hapin sa isda makasanta sa pagpagawas sa malalang mga seulula nga nagapamaak. Si Gg. Talikod nakaphimulos gikan sa relasyon, apan si Gg. Clownfish mao ang nagakontrolar sa palakaw.