Mga Giraffe, Hulmigas, ug Kahoyng Akasya

GUSTO kaayo ang giraffe sa mga dahon sa akasya, apan mosukol ang akasya. Giasoy ni Cynthia Moss ang paagi diha sa Portraits in the Wild—Behavior Studies of East African Mammals, panid 56:

“Nagapapuyo ang kahoy ug mga koloniya sa mga hulmigas, diha sa itom nga mga lungaglungag nga nalukop sa mga sanga. Ang matag tangkay dugay gulaanan sa dugos nga nagahatag pagkaon sa mga hulmigas. Dihang moabot ang mga giraffe sa pagsibsib sa dahon, magubot ang mga hulmigas, nga managan sa tibuok nga mga sanga ug ngadto sa mananap. Kining partikular nga mga hulmigas, sa espisye nga Crematogaster, masakit nga mamaak; busa, dili magdugay ang giraffe sa usa ka kahoy, apan moadto sa usa ka kahoy ngadto sa laing kahoy. Bisag dili makapahunong kining mekanismoha sa giraffe sa pagpanibsib niining matanga sa akasya, kini sa matin-aw nagapaneguro nga maapod-apod ang kadaot ngadto sa tibuok nga populasyon sa kahoy.”