Nabahin nga Balay sa Relihiyon

Sa tanan nga relihiyon sa kalibotan, ang Romano Katolisismo, Islam, ug Hinduismo mao ang kinadagkoan. Giangkon sa mga Romano Katoliko ang 985 ka milyon, o 18.8 porsiento sa katibuk-ang populasyon sa kalibotan nga may 5.24 libong milyon, samtang 912 ka milyon (17.4 porsiento) nag-angkon nga mga Muslim, ug 686 ka milyon (13.1 porsiento) maoy mga Hindu​—kapin sa doble sa 320 ka milyong Buddhista.

“Ang Kristiyanidad mao ang labing gituman nga relihiyon,” mipahayag ang Asiaweek. “Apan kini nabahin kaayo ngadto sa kontraryong mga sekta latas sa kasaysayan​—ang mga Protestante ug mga Katoliko sa Amihanang Irlandiya mao ang labing ilado nagpabilin nga panig-ingnan—​nga ang daghang tawo malisdan sa pag-isip niini nga usa ka relihiyon. . . . Ang mga Muslim nabahin sa menos nga mga sekta kay sa mga Kristohanon, apan ang Sunni ug Shia maoy duha ka linaing pundok nga may kasaysayan nga dili kanunay magkauyon.” Ang kinadak-ang grupo sa mga Muslim mao ang mga Sunni.

Dugang pa, ang ubay-ubayng katawhan sa kalibotan walay giangkon nga relihiyon. Ang usa ka dakong bahin sa maong katawhan anaa sa Tsina, Silangang Uropa, ug Unyon Sobyet. Ang mga walay relihiyon mokabat ug 896 ka milyon, ug ang mga ateyista maoy milangkob sa dugang 236 ka milyon.