Nahibulong Ka ba Sukad?

Do you believe that man possesses an immortal soul that survives the death of the body? Millions, maybe billions, believe that man is endowed with a soul that moves on to another world or plane of existence at death or is reincarnated as another creature. What does the Bible say about the soul? You will find the following questions intriguing and illuminating. For the answers, we suggest that you check the scriptures that are cited or see page 21.

1. Si Adan ba gilalang sa langit, o sa yuta?​—Genesis 1:26-28.

2. Si Adan ba gilalang nga mortal, o imortal?​—Genesis 2:15-17.

3. Kon si Adan dili pa masinupakon ug wala makasala, siya ba kaha namatay?​—Roma 6:23.

4. Ang gihimo ba ni Adan nagpamatuod nga siya mortal, o imortal?​—Genesis 3:19; 5:5.

5. Tungod sa iyang sala, si Adan ba nawad-an ug yutan-ong puloy-anan, o usa nga langitnon?​—Genesis 1:26-28.

6. Kon si Jesus mianhi aron ipasig-uli ang nawala tungod sa pagkahulog ni Adan, unsay ipasig-uli?​—Salmo 37:29; Roma 5:18, 19; Pinadayag 21:1-4.

7. Si Adan ba may duha ka nagkalain nga mga bahin, ang kalag ug ang lawas?​—Genesis 2:7; 1 Corinto 15:45.

8. Kon ikaw nagtuo nga si Adan maoy kalag ug lawas, haing bahin ang nakasala, ang kalag o ang lawas?​—Salmo 51:1-4.

9. Kon ang imong tubag, “Ang kalag,” nganong kinahanglang mag-antos ang lawas?

10. Kon ang imong tubag, “Ang lawas,” nganong kinahanglang luwason ang kalag?

11. Kon ang tawo makaadto sa langit pinaagi sa kamatayon, dili ba kana magpamatuod nga ang sala ug kamatayon maoy panalangin inay, sumala sa Bibliya, usa ka tunglo?​—Roma 5:12; 6:21-23.

12. Unsang silot ang gipahamtang kang Adan tungod sa iyang sala​—kamatayon, o padayong paglungtad sa laing dapit?​—Genesis 2:16, 17; 3:19.

13. Lain ba ang silot sa lawas ug lain alang sa kalag?​—Ecclesiastes 9:5, 10; Ezekiel 18:4.

14. Ang Diyos ba naghunahuna sa walay-kataposang pagsakit sa kalayong-impiyerno?​—Jeremias 7:31.

15. Sumala kang Pablo, unsay bayad sa sala?​—Roma 6:23.

16. Si Pablo ba naghisgot ug walay-kataposang pagsakit sa kalayong-impiyerno?​—Roma 6:7.

17. Kon ang kalayong-impiyerno tinuod nga naglungtad, nganong ang usa magaantos sa walay kataposan aron makabayad alang sa sala sulod lamang sa hamubong pagkinabuhi? Ang hustisya ba sa Diyos ubos kay sa iya sa tawo?​—Roma 9:14.

18. Ang matinumanong mga tawo sa kakaraanan ba nagtuo nga sila may kalag nga moadto sa langit o sa kalayong-impiyerno?​—Genesis 37:35; Salmo 89:48; Buhat 2:34.

19. Unsa ang tinuod nga paglaom alang sa mga patay?​—Juan 5:28, 29; 11:23-26; Buhat 24:15.

20. Kon walay imortal nga kalag, sa unsang paagi ang pila (144,000) makamando uban kang Kristo sa mga langit?​—1 Corinto 15:42-49, 53, 54; Pinadayag 14:1, 4; 20:4.a

Nahibulong Ka ba Sukad? Ang mga Tubag sa Bibliya

Ang mosunod maoy pipila sa mga teksto nga gihisgotan uban sa mga pangutana sa panid 13:

1. “Ang Diyos milalang sa tawo diha sa iyang dagway, . . . lalaki ug babaye iyang gilalang sila. . . . Ang Diyos miingon kanila: ‘Sumanay ug magdaghan kamo ug pun-a ninyo ang yuta ug dag-a ninyo kini.’”​—Genesis 1:27, 28.

2. “Ikaw makakaon hangtod sa pagkatagbaw gikan sa tanang kahoy sa tanaman. Apan mahitungod sa kahoy sa kahibalo sa maayo ug daotan dili ka magakaon gikan niana, kay sa adlaw nga ikaw mokaon gikan niana ikaw mamatay gayod.”​—Genesis 2:16, 17.

3. “Kay ang suhol nga ginabayad sa sala maoy kamatayon, apan ang gasa nga ginahatag sa Diyos maoy kinabuhing walay-kataposan pinaagi ni Kristo Jesus nga atong Ginoo.”​—Roma 6:23.

4. “Sa singot sa imong nawong ikaw magakaon sa tinapay hangtod nga mobalik ka sa yuta, kay gikan niana ikaw gikuha. Kay abog ka ug sa abog ka mopauli.”​—Genesis 3:19.

5. Tan-awa ang Numero 1.

6. “Tan-awa! Ang tolda sa Diyos anaa uban sa katawhan . . . Ug iyang pahiran ang matag luha sa ilang mga mata, ug wala na unyay kamatayon, ni pagbangutan ni pagtiyabaw ni may kasakit pa. Ang kanhing mga butang nangagi na.”​—Pinadayag 21:3, 4.

7. “Giumol ni Jehova nga Diyos ang tawo gikan sa abog sa yuta ug gihuypan niya sa mga buho sa iyang ilong sa gininhawa sa kinabuhi, ug ang tawo nahimong kalag nga may kinabuhi.” (Genesis 2:⁠7) Ang pulong “kalag” naghubad sa Hebreohanong pulong nga neʹphesh, “nga nagginhawa.” “Ang unang tawo, si Adan, sumala sa giingon sa kasulatan, nahimong buhing kalag.” Matikdi, “nahimong,” dili “gihatagan.”​—1 Corinto 15:45, The Jerusalem Bible.

8. “Ang akong sala sa gihapon ania sa akong atubangan. Batok kanimo, kanimo lamang, nakasala ako, ug nabuhat ko ang daotan sa imong panan-aw.”​—Salmo 51:3, 4.

9, 10. Walay tekstong gikinahanglan.

11. “Pinaagi sa usa ka tawo ang sala misulod sa kalibotan ug ang kamatayon pinaagi sa sala, ug sa ingon ang kamatayon mikaylap sa tanang tawo tungod kay silang tanan nakasala.”​—Roma 5:12.

12. Tan-awa ang Numero 4.

13. “Ang mga buhi nasayod nga sila mangamatay; apan mahitungod sa mga patay, sila walay nahibaloan nga bisan unsa . . . Walay buluhaton ni lalang ni kahibalo ni kaalam sa Sheol, ang dapit diin ikaw moadto.” (Ecclesiastes 9:5, 10) “Maingon nga ang kalag sa amahan ingon man ang kalag sa anak nga lalaki​—sila ako man. Ang kalag nga makasala​—kini mismo mamatay.”​—Ezekiel 18:4.

14. “Gitukod nila ang hatag-as nga mga dapit sa Topheth . . . aron sa pagsunog sa ilang mga anak nga lalaki ug ilang mga anak nga babaye sa kalayo, usa ka butang nga wala nako isugo ug wala moabot sa akong kasingkasing.”​—Jeremias 7:31.

15. Tan-awa ang Numero 3.

16. “Siya nga namatay naabsuwelto na gikan sa iyang sala.”​—Roma 6:7.

17. “Nan, unsay atong ikaingon? Aduna bay inhustisya sa Diyos? Dili gayod unta kana mahimong ingon!”​—Roma 9:14.

18. “Sa tinuod si David wala mosaka ngadto sa mga langit.”​—Buhat 2:34.

19. “Ako adunay paglaom ngadto sa Diyos, nga ang maong paglaom ginadawat usab mismo niining mga tawhana, nga aduna unyay pagkabanhaw sa mga matarong ug sa mga dili-matarong.”​—Buhat 24:15.

20. “Kay kini nga madunoton angay magsul-ob ug pagkadili-madunoton, ug kini nga may-kamatayon angay magsul-ob ug pagkawalay-kamatayon.” Kon ang imortalidad “isul-ob,” nan dili kini kinaiyanhon. (1 Corinto 15:53) “Ug nakita ko, ug, tan-awa! ang Kordero nga nagabarog diha sa Bukid Zion, ug may uban kaniya nga usa ka gatos ug kap-atag-upat ka libo  . . . Kini sila gipalit gikan sa katawhan ingong mga unang-bunga ngadto sa Diyos ug ngadto sa Kordero.”​—Pinadayag 14:1, 4.

[Footnote]