Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • g94 5/8 p. 15
  • Ikaw ba Mamingawon, Masulob-ong Langgam?

Walay video nga available.

Sorry, dunay problema sa pag-load sa video

  • Ikaw ba Mamingawon, Masulob-ong Langgam?
  • Pagmata!—1994
  • Susamang Materyal
  • Pelikano
    Pagtugkad sa Kasulatan, Tomo 2
  • Paagi sa Pagpangisda sa Langgam
    Pagmata!—2011
  • Kormoran
    Pagtugkad sa Kasulatan, Tomo 2
  • Kaundan
    Pagmata!—2004
Uban Pa
Pagmata!—1994
g94 5/8 p. 15

Ikaw ba Mamingawon, Masulob-ong Langgam?

KINI dili makadaog sa usa ka bangga sa katahom alang sa mga langgam​—mahimong tungod sa mga kolor o huping nga desinyo. Nakit-an nako ang mga kapehog-kolor nga langgam sa Florida, T.B.A., nga misalom aron sa pagsikop sa ilang mga isda nga samag Alemang mga bombarderong Stukas sa Gubat sa Kalibotan II.a Sa Chile sila maoy puti, nga itom ug mga pako ug mga lawas. (Tan-awa ang letrato.) Sila namatog sa masulob-ong kahimtang ibabaw sa kabatoan sa Pasipiko sa Valparaiso​—lagmit nagkompleto sa ilang paghilis.

Kini mahimong may timbang nga abot ug 14 ka kilo, kapig usa ka metros ug tunga sa gitas-on, ug may buklad sa pako nga tulo ka metros. Kini usa sa kinadagkoang mga langgam. Sa mamala kini bakikaw ug kataw-anan; sa paglupad kini nindot tan-awon, nga nagalupad nga daw wala maghago. Kon kini maningaon, kini makakandos ug 10 litros nga tubig uban sa mga isda! Unsa ba kini? Kini ang pelikano.

Ang pelikano hikaplagan sa mga lanaw ug mga suba ug ubay sa kabaybayonan sa daghang bahin sa kalibotan. Ang taas nga sungo ug labihan ka dakong bulsa niini sa hingpit gidesinyo alang sa linain nga paagi niini sa pagpangisda. Kini moambak sa tubig, nga mapuno sa tubig ug isda ang bulsa niini. Unya kini daling maghabwa sa tubig ug, maglamoy, sa kinaulahiang timo.

Ang mga pelikano gihisgotan sa ubay-ubayng beses diha sa Bibliya. Tungod sa pagkagusto sa langgam sa mamingawon, awaaw nga mga dapit, gigamit kini diha sa Bibliya ingong simbolo sa bug-os nga pagkalaglag. (Isaias 34:11; Sofonias 2:13, 14) Ang ensiklopedia sa Bibliya nga Insight on the Scriptures nag-ingon: “Kon ang pelikano nabusdik sa pagkaon, kini kasagarang molupad paingon sa usa ka mingawng dapit, diin kini magbaton ug masulob-ong barog, nga ang ulo gisuksok sa abaga niini . . . Batonan sa langgam kanang tinamdana sulod sa daghang oras sa usa ka panahon, sa ingon haom sa masulob-on nga kawalay-kalihokan nga gitumong sa salmista sa dihang gihulagway niya ang kahapdos sa iyang kasubo pinaagi sa pagsulat: ‘Ako nahisama sa pelikano sa kamingawan.’ (Salmo 102:6)” Busa kon ugaling ikaw magmamingawon ug masulob-on, hinumdomi nga basin ikaw kaamgid usab sa usa ka pelikano!​—Tinampo.

[Footnote]

a Ang Junkers Ju 87 mosalom nga bombardero nga adunay pako nga pormag-W.

[Mga hulagway sa panid 15]

Mga Pelikan sa Chile.

Gisukip: Kapeg-kolor nga pelikan sa Florida

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa