‘Natubag ang Tanang Pangutana’

Nagkomento bahin sa seryal sa Pebrero 22, 1995, nga Pagmata!, “Usa ka Mas Maayong Pagsabot sa Menopos,” usa ka magbabasa gikan sa Kentucky, T.B.A., nagsulat: “Di pa dugay mitambong ako ug tulo-ka-oras nga seminar bahin niining ulohana. Gihimo kini sa mga departamento sa edukasyon sa duha ka dagkong mga ospital. Ang programa impormatibo kaayo, apan mas daghan akog nakat-onan gikan sa 30 minutos nga pagbasa sa Pagmata! kay sa akong nakat-onan sa tulo ka oras diha sa seminar (ug kini wala pa mokantidad ug $15).”

Laing magbabasa sa Pagmata! miingon: “Daghan na akog nabasahang mga libro ug mga artikulo bahin sa menopos sa kataposang tulo ka tuig. Human niini kanunay gayod nga ako adunay mga pangutanang dili-matubag. Natubag sa inyong mga artikulo ang tanan nakong mga pangutana bahin niining ulohana.”

Ang Pagmata! nagtaganag impormasyon nga motabang sa mga magbabasa niini sa pagsagubang sa mga problema karon. Labing hinungdanon, naglig-on kini sa pagsalig sa saad sa Maglalalang bahin sa usa ka malinawong bag-ong kalibotan. Kon buot ka nga makakat-on pag dugang bahin sa mga pagtulon-an ug mga kalihokan sa mga Saksi ni Jehova, ang mga magpapatik niining magasina, palihog pakigkita kanila sa ilang lokal nga Kingdom Hall, o pagsulat sa direksiyon nga labing haduol kanimo nga nalista sa panid 5.