Unsang Nasora Kaha Kini?

Ang mga tawo diha sa ugmad nga mga nasod sagad mag-isip sa panghiphip, korapsiyon, ug kakabos ingong kaylap sa Aprikanhon ug Latin-Amerikanhong mga nasod. Busa sa unsang nasod mapadapat ang mosunod nga pangutlo?

“Ang mga ministro sa gobyerno mamakak, ang mga negosyante gipriso tungod sa korapsiyon, mga empliyado sa gobyerno hisakpan nga nagdawat ug mga suborno, ang politika daotag dungog, ug [ang mga politiko] nakita ingong ngil-ad ug dungog, hubog ug dagway, ug nabuang sa sekso. . . . Sa tibuok nasod, ang panulis sa kadalanan nahibalik. . . . Ang kasagarang krimen giduyogan sa pagdagsang sa korapsiyon diha sa industriya, sa bangko, ug sa publikong serbisyo. . . . Napulog-usa ka milyong tawo karon nakulangan ug tulo o labaw pa sa pangunang mga kinahanglanon sa kinabuhi, . . . ug ang gidaghanon nga nag-ilaid sa kakabos​—nga nakulangan ug pito o labaw pa sa mga panginahanglan—​miuswag gikan sa 2.5 milyon ngadto 3.5 milyon.”​—Phillip Knightley, The Australian Magazine.

Husto ba ang imong taghap? Ang tubag maoy Britanya. Apan kini usa ka makapasubong komentaryo bahin sa atong kapanahonan nga ang maong komento ikapadapat ngadto sa dinosena nga nasod. Pagkadako gayod ang panginahanglan natong tanan sa maayo, matinud-anon, matul-id nga pagmando! Oo, gikinahanglan nato ang pagmando sa Diyos pinaagi nianang Gingharian nga alang niana si Jesus nagtudlo sa iyang mga sumusunod sa pag-ampo, “Paanhia ang imong gingharian.”​—Mateo 6:10.