Gidisenyo ba Kini?
Pilit sa Tiki
◼ Ang mga siyentipiko nahingangha sa abilidad sa tiki nga motapot sa hamis nga mga butang nga dili mahulog, bisag nagdalidali paglakaw diha sa hamis nga kisame! Nganong nahimo man kini niining talagsaon nga gamayng tiki?
Ang Bibliya nag-ingon nga ang tiki “nagapanggunit pinaagi sa iyang mga kamot.” (Proverbio 30:28) Ang mga tiil sa tiki sama gayod ug mga kamot, ug kini mokapot diha sa hamis nga mga butang uban ang katingalahang kaliksi. Ang matag tudlo sa tiil adunay mga ugdo-ugdo nga may linibo ka nagsiwil nga mga buhokbuhok. Ug ang matag siwil adunay ginatos ka mikroskopikong mga hilohilo o mga filament. Ang mga puwersa sa molekula (gitawag ug mga puwersa nga van der Waals) nga anaa sa mga hilohilo niini igo na nga mogunit sa gibug-aton sa tiki—bisan pag kini baliskad nga nagliksiliksi agi sa salamin!
Ang mga tigdukiduki buot mogamag mga papilit nga sama kapilit sa tiil sa tiki, nga motapot bisan sa sinawong mga butang.a Aduna pod kiniy “daghang medikal nga kagamitan, gikan sa mga bendahe nga magpabiling motapot bisan basa ngadto sa papilit ingong hulip sa pagtahi sa operasyon,” matod sa magasing Science News.
Human niining mubo nga katin-awan, unsay imong hunahuna? Ang pilit ba sa tiki mitungha pinaagig sulagma? O kini ba gidisenyo?
[Footnote]
a Ang mga siyentipiko nag-analisar usab sa protina nga gipagawas sa mga amahong, nga maoy gigamit sa maong mga linalang sa pagtapot bisan basa.
[Hulagway sa panid 26]
Ang ilawom nga bahin sa tiki nga tokay
[Hulagway sa panid 26]
Mikroskopikong mga buhokbuhok sa tiil sa tiki
[Picture Credit Lines sa panid 26]
Gecko: Breck P. Kent; close-up: © Susumu Nishinaga/Photo Researchers, Inc.