Mabatonan Nimo ang Kaalam
“Ang tibuok Balaang Kasulatan gisulat pinaagi sa paggiya sa Diyos.” (2 Timoteo 3:16) Kini nga bersikulo nagpasabot nga gibutang sa Labing Gamhanang Diyos ang iyang hunahuna diha sa hunahuna sa mga magsusulat sa Bibliya.
Gusto sa Diyos nga Makabenepisyo Ka sa Iyang Kaalam
“Ako, si Jehova, . . . nagtudlo kanimo aron makabaton kag kaayohan, ang Usa nga naggiya kanimo sa dalan nga angay nimong laktan. Kon mamati lang unta ka sa akong mga sugo! Ang imong kalinaw mahisama gayod sa suba, ug ang imong pagkamatarong mahisama sa mga balod sa dagat.”—ISAIAS 48:17, 18.
Isipa ang maong mga pulong ingong personal nga imbitasyon gikan sa Diyos. Gusto niya nga makabaton kag kalinaw sa hunahuna ug magmalipayon hangtod sa hangtod, ug makatabang siya nimo nga mabatonan kana.
Makaplagan Nimo ang Kaalam sa Diyos
“Ang maayong balita kinahanglang iwali una sa tanang kanasoran.”—MARCOS 13:10.
Apil sa “maayong balita” ang saad sa Diyos nga taposon ang pag-antos, himoong paraiso ang yuta, ug banhawon ang atong mga minahal nga namatay. Ang maong mensahe nga gikan sa Bibliya gisangyaw sa mga Saksi ni Jehova sa tibuok kalibotan.