BAHIN 8

Unsay Kahulogan sa Kamatayon ni Jesus Alang Kanimo?

Si Jesus namatay aron kita mabuhi. Juan 3:16

Mga babayeng nagtan-aw sa lubnganan ni Jesus nga walay sulod

Tulo ka adlaw human mamatay si Jesus, dihay mga babayeng miduaw sa iyang lubnganan apan wala na kiniy sulod. Gibanhaw ni Jehova si Jesus.

Si Jesus nagpakita sa iyang mga apostoles, dayon mikayab sa langit

Sa ulahi si Jesus nagpakita sa iyang mga apostoles.

Gibanhaw ni Jehova si Jesus ingong gamhanan ug imortal nga espiritung linalang. Ang mga tinun-an ni Jesus nakakita kaniya nga mikayab sa langit.

Gibanhaw sa Diyos si Jesus ug gihimong Hari sa Gingharian. Daniel 7:13, 14

Gikan sa iyang trono diha sa Gingharian, si Jesus nagmando sa katawhan sa paraisong yuta

Gihatag ni Jesus ang iyang kinabuhi ingong lukat sa katawhan. (Mateo 20:28) Pinaagi niini, gihimong posible sa Diyos nga kita mabuhi sa walay kataposan.

Gitudlo ni Jehova si Jesus ingong Hari nga magmando sa yuta. Kauban niya ang 144,000 ka matinumanong tawo nga namatay dinhi sa yuta ug gibanhaw didto sa langit. Si Jesus ug ang 144,000 maglangkob sa matarong nga langitnong gobyerno—ang Gingharian sa Diyos.—Pinadayag 14:1-3.

Ang Gingharian sa Diyos maghimo sa yuta nga paraiso. Ang gubat, krimen, kakabos, ug gutom mawala na. Magmalipayon na gayod ang mga tawo.—Salmo 145:16.