Introduksiyon sa Seksiyon 7

Kini nga seksiyon nagkobreg mga 80 ka tuig sa kinabuhi ni Haring Saul ug Haring David. Sa primero, mapaubsanon si Saul ug may kahadlok sa Diyos, pero nausab siya ug misupak kang Jehova. Gisalikway siya ni Jehova ug gisugo si Samuel nga pilion si David ingong sunod nga hari sa Israel. Kay nasina, kadaghan misulay si Saul sa pagpatay kang David, pero wala manimalos si David. Ang anak ni Saul nga si Jonatan nahibalo nga si David ang gipili ni Jehova, busa miunong siya kang David. Dihang si David grabeng nakasala, iyang gidawat ang disiplina ni Jehova. Kon ginikanan ka, pasabta ang imong anak kon nganong angayng sundon ang mga kahikayan sa Diyos.