Prangka

Ang Gihimo ni Jesus

VIDEO: Gitambagan ni Jesus ang Dato nga Batan-on

1. Tan-awa ang VIDEO, o basaha ang Marcos 10:17-22. Dayon konsideraha ang mosunod nga mga pangutana:

1. Unsa kahang maayong mga hiyas ang nakita ni Jesus sa dato nga batan-on?

2. Nganong si Jesus kinahanglang magpakitag gugma ug mahimong prangka sa pagtambag sa batan-on?

Unsay Atong Makat-onan Kang Jesus?

2. Kinahanglan tang makig-estorya sa atong Bible study sa mahigugmaon pero sa prangka nga paagi aron tabangan siya nga mouswag sa espirituwal.

Sundoga si Jesus

3. Tabangi ang imong Bible study sa paghimo ug pagkab-ot ug mga tumong.

1. Gamita ang “Sulayi Kini” nga feature sa matag leksiyon sa Mabuhi Ka Hangtod sa Hangtod!

2. Tabangi siya nga makita ang mga butang nga kinahanglan niyang himoon aron makab-ot ang gagmayng tumong ug dagkong tumong.

3. Regular siyang komendahi sa iyang pag-uswag.

4. Sayra kon unsay nakapugong niya nga mouswag, ug tabangi siya nga malamposon kining maatubang.

1. Pangutan-a ang kaugalingon:

   • ‘Kon wala siya mouswag aron mabawtismohan, unsay nakapugong niya?’

   • ‘Unsa kahay akong mahimo sa pagtabang niya?’

2. Iampo nga mahisgotan nimo sa imong study sa prangka ug mahigugmaong paagi kon unsay kinahanglan niyang himoon.

5. Hunonga ang pagtuon kon wala siyay pag-uswag.

1. Hunahunaa kon ang imong Bible study naa bay pag-uswag pinaagi sa pagpangutana sa kaugalingon:

   • ‘Gipadapat ba niya ang iyang nakat-onan?’

   • ‘Nagtambongan na ba siya sa mga tigom ug nagasulti sa kamatuoran ngadto sa uban?’

   • ‘Kon taastaas nga panahon na siyang nagtuon, gusto na ba niya nga mahimong Saksi ni Jehova?’

2. Kon wala siyay pag-uswag:

   • Hangyoa siya nga hunahunaon kon unsay nakapugong niya.

   • Sa buotan nga paagi, sultihi siya kon nganong hunongon ninyo ang pagtuon.

   • Sultihi siya kon unsay kinahanglan niyang pauswagon aron mapadayon ang pagtuon.