AKSA

[Kadenilya sa Tiil; Pulseras sa Tiil].

Ang anak nga babaye sa Judeanhong espiya nga si Caleb kinsa gitanyag niya nga mahimong asawa ingong ganti kang bisan kinsa nga makailog sa salipdanan sa Debir sa bag-ong napanag-iya nga teritoryo sa Juda. Ang pag-umangkong lalaki ni Caleb nga si Otniel, nga maoy nahimong unang maghuhukom human kang Josue (Huk 3:​9, 10), nakailog niini ug, ingong ganti, naminyo sa iyang ig-agawng si Aksa.​—Tan-awa ang OTNIEL.

Sa dihang mibiya si Aksa aron mopuyo sa iyang bag-ong pinuy-anan, siya mihangyo ug nakadawat gikan sa iyang amahan ug dugang pinili nga gasa, usa ka luna nga naglakip sa Ibabaw ug Ubos nga Gulot. (Jos 15:15-19; Huk 1:12-15) Lagmit si Aksa mao ang inahan ni Hatat.​—1Cr 4:13.