AHIMAN

1. Ang igsoong lalaki ni Sesai ug Talmai. Lagmit nga si Ahiman, Sesai, ug Talmai mao ang naghawas sa tulo ka banay sa mga Anakim nga nagpuyo sa Hebron sa dihang ang mga Israelinhon nangespiya sa Canaan niadtong 1512 W.K.P. (Num 13:​22, 28, 33) Daghang tuig sa ulahi kini nga mga Anakim gipapahawa ni Caleb ug sa nanakop nga mga Judeanhon.​—Jos 14:10-15; 15:​13, 14; Huk 1:10.

2. Usa ka Levihanon ug usa sa mga sinaligang magbalantay-sa-ganghaan sa Jerusalem human sa pagpamalik gikan sa pagkadestiyero sa Babilonya.​—1Cr 9:​17, 18.