TALMAI

1. Igsoong lalaki ni Ahiman ug Sesai, mga anak nga lalaki ni Anak. (Num 13:22; Jos 15:14; Huk 1:10; tan-awa ang AHIMAN Num. 1.) Gihunahuna sa pipila ka eskolar nga ang ngalang Tanmahu, nga makaplagan sa usa ka hieroglyphic nga inskripsiyon nga naghulagway sa usa ka taas, pution ug pamanit nga tawo, mao ang Ehiptohanong katumbas sa Talmai. Kining Canaanhon nga ngalan makaplagan usab sa Ras Shamra nga mga teksto sa yugto sa mga Maghuhukom.

2. Usa ka anak nga lalaki ni Amihud; hari sa Gesur. (2Sa 13:37) Ang anak nga babaye ni Talmai nga si Maaca nanganak kang Absalom alang kang David. (2Sa 3:3; 1Cr 3:2) Human mapatay si Amnon tungod sa iyang pag-among-among sa iyang igsoong babaye nga si Tamar, si Absalom mikalagiw ngadto sa iyang apohang lalaki nga si Talmai.​—2Sa 13:​28, 29, 37, 38.