AHIMELEK

1. Anak nga lalaki ni Ahitub ug apo-sa-tuhod ni Eli; hataas nga saserdote sa tabernakulo nga nahimutang sa Nob. Tungod sa pagtabang kang David, nga wala mahibalo nga siya mikalagiw gikan kang Saul, si Ahimelek (uban ang 84 ka uban pang mga saserdote ni Jehova ingon man ang mga lalaki, mga babaye, ug mga bata sa Nob) gipatay ni Doeg nga Edomhanon. Si Abiatar mao lamang ang anak ni Ahimelek nga nakaikyas. (1Sa kap 21, 22) Si David, sa pagtagik sa Salmo 52 sa ulahi, mibatbat sa mangilngig nga buhat ni Doeg. (Sal 52:Sup) Nahinumdoman usab ni Jesus ang kasinatian ni David uban kang Ahimelek.​—Mat 12:​3, 4; Mar 2:​25, 26; Luc 6:​3, 4; tan-awa ang AHIAS Num. 3.

2. Anak nga lalaki ni Abiatar ug apo ni Ahimelek, nga gipatay ni Doeg.​—1Cr 18:16; 24:​3, 6, 31.

3. Usa ka Hitihanon nga gidapit apan wala mokuyog kang David sa dihang siya miyuhot pagsulod sa kampo ni Saul sa kagabhion.​—1Sa 26:​6, 7.