AMPIPOLIS

[Palibot sa Siyudad].

Usa ka siyudad sa Macedonia, mga 5 km (3 mi) gikan sa Dagat Aegean ug sa dunggoanan sa Eion. Si Pablo miagi dinhi sa iyang ikaduhang misyonaryong panaw. (Buh 17:1) Gitukod kini diha sa usa ka bungtod nga ang tulo ka kiliran niini (sa A, K, ug H) gilibotan sa nagkurbang suba sa Strymon, ug kini nga kahimtang sa walay duhaduha maoy gigikanan sa ngalan sa siyudad. Ang Ampipolis nahimutang nga mga 50 km (30 mi) sa KHK sa Filipos ug tungod kay anaa kini duol sa ilado nga Romanhong dakong dalan nga Via Egnatia ug nagkontrolar sa taytayan sa suba sa Strymon, maayo kaayo ang nahimutangan niini ug ingon man maayo nga dapit alang sa negosyo. Gipundar sa sinugdan ingong kolonya sa Atenas niadtong ikalimang siglo W.K.P., kini sa ulahi nailalom sa mga Macedonianhon. Human niadto ang Roma nagkontrolar niini ug naghimo niining usa ka gawasnong siyudad ug kaulohan sa unang distrito sa Macedonia. Ang mga kagun-oban niini makita diha lamang sa gawas sa modernong balangay nga ginganlan usab ug Ampipolis (Amfipoli).