ALIWAS

[Heb., qohph].

Ang mga aliwas nga giimportar ni Haring Solomon tingali maoy mga espisye sa tag-as ug ikog nga mga unggoy nga gihisgotan sa karaang mga magsusulat ingong lumad sa Etiopia. (1Ha 10:22; 2Cr 9:21) Tungod kay ang Hebreohanong pulong nga qohph lagmit may kalangkitan sa Sanskrit nga pulong nga kapi ug nga ang mga paboreyal giisip ingong lumad sa HS sa Asia, gituohan nga ang mga aliwas gidala sa panon sa mga barko ni Solomon gikan sa India o Sri Lanka. Apan, ang mga giimportar nga baligya dili kinahanglang maggikan mismo sa nasod nga gigikanan niini ni gikan sa samang yuta, tungod sa mga timailhan nga diha nay pakignegosyo tali sa India ug Aprika una pa sa panahon ni Solomon.​—Tan-awa ang PABOREYAL; TARSIS Num. 4.