KENANIAS

[lagmit, Lig-ong Gitukod ni Jehova].

1. Usa ka Levihanon nga katalirongan ni Haring David. “Si Kenanias nga pangulo sa mga Levihanon sa pagdala” maoy usa ka batid, kuwalipikado sa pagtudlo sa uban labot sa hustong pagdala sa sagradong Arka.​—1Cr 15:​22, 25-27.

2. Usa ka Kohatnon sa banay ni Izar. Si Kenanias ug ang iyang mga anak nga lalaki gitudlo alang “sa gimbuhaton sa gawas,” dayag nga naglakip sa pag-alagad ingong mga maghuhukom ug mga opisyal, ug sila miabot ug 6,000 sa dihang gipaihap ni David ang mga Levihanon. (1Cr 26:29; 23:1-4, 12) Sanglit ang mga Kohatnon nagdala sa mga galamiton sa sangtuwaryo sa adlaw ni Moises, lagmit kini nga Kenanias mao ra ang Num. 1.​—Num 4:​4, 5, 15.