EBENEZER

[Bato sa Pagtabang].

1. Usa ka dapit diin sa haduol niini ang Israel kaduha napildi sa mga Filistehanon, nga tungod niini dili lamang kay napatay ang 34,000 ka Israelinhon, lakip kang Hopni ug Pinehas, kondili nailog usab sa kaaway ang arka sa pakigsaad. Ang taho bahin niining ulahing panghitabo maoy nakaingon sa hinanali nga kamatayon ni Eli nga saserdote. (1Sa 4:1-11, 17, 18; 5:1) Gipangagpas sa mga eskolar nga ang Ebenezer nahimutang sa Majdel Yaba, 4 km (2.5 mi) sa HS sa Apek diha sa Patag sa Saron (diin nagkampo ang mga Filistehanon).

2. Ang gingalan sa usa ka bato nga gipatindog ni Samuel kapin sa 20 ka tuig human sa mga panghitabo nga gihisgotan sa gisundan nga kapitulo, lagmit aron handomon ang kadaogan sa Israel batok sa mga Filistehanon pinaagi sa tabang sa Diyos. (1Sa 7:​2, 12) Bisan tuod ug ang tukmang nahimutangan niini wala mahibaloi karong adlawa, lagmit nga kini maoy pipila ka milya ang gilay-on gikan sa HS sa Num. 1, “taliwala sa Mizpa ug sa Jesana.”