JESANA

[Karaan [nga Lungsod]].

Usa ka dapit nga gihisgotan uban sa Mizpa nga nagpaila sa lokasyon sa bato nga gipahimutang ni Samuel ug gitawag nga “Ebenezer.” (1Sa 7:12) Ang Jesana maoy usa sa mga siyudad nga nailog ni Haring Abias sa Juda (980-978 W.K.P.) gikan kang Jeroboam nga hari sa Israel. (2Cr 13:19) Giisip nga kini mao ra ang Isana nga gihisgotan ni Josephus diin si Herodes nga Bantogan nakadaog batok kang Heneral Pappus. (Jewish Antiquities, XIV, 458 [xv, 12]) Ang ngalang Isana daw napreserbar diha sa ngalang Burj el-Isaneh, mga 8 km (5 mi) sa AAS sa Bethel. Busa gituohan nga kining dapita lagmit mao ang karaang Jesana.