EGLAIM

Dayag nga usa sa kinatumyang mga dapit sa Moab nga, sumala sa Isaias 15:​1, 8, gitakdang ‘motiyabaw’ tungod sa pagkalaglag sa maong nasod. Ang tukmang nahimutangan niining karaang dapit dili matino. Hinunoa, ang ngalang Eglaim ug ang susamang ngalan, ang Agallim, nga gihisgotan ni Eusebius (Onomasticon, 36, 19-21) nga mga 12 km (7.5 mi) sa H sa Rabat-Moab, lagmit napreserbar gihapon diha sa ngalan sa Rujm el-Jilimeh sa maong dapit o sa Khirbet Jeljul, usa ka dapit nga sukad pa sa Nabataeanhon-Romanhong kapanahonan, nga nahimutang 7 km (4 mi) pahabagatan. Si Yohanan Aharoni nagsugyot nga lagmit mao kini ang Mazraʽ, usa ka tubigan nga dapit sa AS sa Peninsula sa Lisan.