JANOA

[gikan sa lintunganayng pulong nga nagkahulogang “pahulay; pahiluna”].

1. Usa ka utlanan nga dapit sa Epraim nga kasagarang gituohan nga mao ang Khirbet Yanun, mga 20 km (12 mi) sa HS sa Samaria.​—Jos 16:5-7.

2. Usa ka siyudad sa napulo-ka-tribong gingharian nga nailog ni Tiglat-pileser III panahon sa paghari ni Peka (mga 778-​759 W.K.P.). Ang mga molupyo niini gidestiyero ngadto sa Asirya. (2Ha 15:29) Ang tukmang nahimutangan sa Janoa dili matino. Bisan tuod gituohan sa pipila nga kini mao ang Yanouh, mga 10 km (6 mi) sa S sa Tiro, kini nga lokasyon giisip nga halayo na kaayo dapit sa K sa ubang mga siyudad nga gitala sa 2 Hari 15:29. Ang kadaghanang eskolar mipabor sa pagtuo nga kini mao ang Tell en-Naʽmeh, mga 10 km (6 mi) sa AS sa Kedes diha sa Galilea.