ELIEL

[Ang Akong Diyos Maoy Diyos].

1. Usa sa mga pangulo sa katunga nga tribo ni Manases. Sama sa ubang mga pangulo, si Eliel maoy usa ka maisog, gamhanang tawo, ug lalaking bantogan.​—1Cr 5:24.

2. Usa ka Levihanon sa banay sa mga Kohatnon ug katigulangan sa manalagnang si Samuel. (1Cr 6:​33, 34) Dayag nga gitawag siya nga Elihu sa 1 Samuel 1:1 ug Eliab sa 1 Cronicas 6:27.

3. Usa ka kaliwat ni Simei sa tribo ni Benjamin.​—1Cr 8:​1, 20, 21.

4. Usa ka kaliwat ni Sasak sa tribo ni Benjamin.​—1Cr 8:​1, 22, 25.

5. Usa ka Mahavihanon, usa sa mga tawong gamhanan ni David.​—1Cr 11:​26, 46.

6. Usa pa sa mga tawong gamhanan ni David.​—1Cr 11:​26, 47.

7. Usa ka Gadhanon, usa sa mga matulin, maisog, gamhanang mga tawo nga mibulag dapig kang David samtang siya ilalom pa sa mga pagpig-ot ni Haring Saul. Ang labing ubos niining mga Gadhanon gihubit nga katumbas sa usa ka gatos, ug ang labing dako maoy katumbas sa usa ka libo.​—1Cr 12:​1, 8, 11, 14.

8. Anak nga lalaki ni Hebron; usa sa mga pangulong Levihanon nga gipili ni David nga modala sa Arka ngadto sa Jerusalem.​—1Cr 15:​9, 11, 12.

9. Usa ka Levihanong komisyonado sa kiliran ni Conanias, kinsa mao ang tinugyanan “sa amot ug sa ikapulo ug sa balaang mga butang” sa mga adlaw ni Haring Ezequias.​—2Cr 31:11-13.