ELISAMA

[Ang Akong Diyos Namati (Nagpatalinghog)].

1. Anak nga lalaki ni Amihud sa tribo ni Epraim; apohan ni Josue. (Num 1:10; 2:18; 1Cr 7:​26, 27) Si Elisama maoy usa sa 12 ka pangulo nga gitudlo ni Jehova aron motabang kang Moises ug Aaron sa pagrehistro sa mga anak nga lalaki sa Israel nga magsundalo. Siya nangulo usab sa panon sa iyang tribo. (Num 1:1-4, 17; 2:18; 10:22) Gawas pa sa pagpakig-ambit sa ginurupo nga paghalad nga gihimo sa mga pangulo human sa pagpatindog sa tabernakulo, si Elisama human niana naghalad ug kaugalingon niyang halad sa ikapitong adlaw alang sa inagurasyon sa halaran.​—Num 7:​1, 2, 5, 10, 11, 48-53.

2. Anak nga lalaki ni Jekamias sa tribo ni Juda.​—1Cr 2:​3, 41.

3. Usa ka anak nga lalaki nga natawo kang David didto sa Jerusalem. Kini nga Elisama gitala ingong Elisua sa 2 Samuel 5:​15, sa 1 Cronicas 14:​5, ug sa duha ka Hebreohanong manuskrito sa 1 Cronicas 3:6. Giisip sa kadaghanan nga ang Elisua mao ang eksaktong ngalan, sanglit ang ngalang Elisama milutaw pag-usab sa 1 Cronicas 3:8 ug busa mahimong sayon rang nakayuhot sa bersikulo 6 tungod sa sayop sa magkokopya. Hinunoa, sanglit ang Hebreohanon nga Masoretikong teksto, ang Gregong Septuagint, ang Syriac nga Peshitta, ug ang Latin nga Vulgate naggamit sa ngalang “Elisama” sa 1 Cronicas 3:​6, kini nga porma sa ngalan gipabilin sa Bag-ong Kalibotang Hubad maingon man sa ubang mga hubad.

4. Laing anak nga lalaki nga natawo kang David didto sa Jerusalem.​—2Sa 5:16; 1Cr 3:8; 14:7.

5. Usa ka saserdote sa mga adlaw ni Haring Jehosapat kinsa, duyog sa ubang mga Levihanon ug mga prinsipe, “nagpadayon sa paglibot sa tanang siyudad sa Juda ug sa pagpanudlo taliwala sa katawhan.”​—2Cr 17:​1, 7-9.

6. Usa ka sekretaryo sa palasyo ni Haring Jehoiakim.​—Jer 36:​12, 20, 21.

7. Apohang lalaki ni Ismael nga nagpatay sa Hudiyong gobernador nga si Gedalias.​—2Ha 25:25; Jer 41:1-3.