ELON

[lagmit, Dakong Kahoy].

1. Usa ka Hitihanon kansang anak nga babaye nahimong “tinubdan sa kapaitan” ni Isaac ug Rebeca ingong asawa sa ilang anak nga si Esau.​—Gen 26:​34, 35; 27:46; 28:8; 36:2.

2. Ang ikaduha sa tulo ka anak nga lalaki ni Zabulon. Lakip siya sa mga membro sa panimalay sa iyang apohan nga si Jacob nga miadto sa Ehipto. Siya usab ang pangulo sa banay sa mga Elonhon.​—Gen 46:14; Num 26:26.

3. Usa ka Zabulonhon nga maghuhukom sa Israel. Human sa napulo ka tuig nga pagkamaghuhukom ilang gilubong siya sa Aijalon sa teritoryo sa Zabulon.​—Huk 12:​11, 12.

4. Usa ka lungsod sa tribo ni Dan nga gitala taliwala sa Itla ug Timnah. (Jos 19:​42, 43) Ang nahimutangan niini dili matino.