Teritoryo sa mga Tribo sa Israel

Si Jehova mismo ang naglatid sa mga utlanan sa Yutang Saad. Naghatag usab siya ug mga direksiyon labot sa pagbahinbahin sa yuta alang sa mga tribo sa Israel. Ang mga banay gihatagan ug espesipikong mga pahat sa yuta, ug kini nga mga pahat gipanalipdan alang sa umaabot nga mga kaliwatan. Ang gihimo ni Jehova sa karaang Israel nagpasundayag sa iyang katungod ingong soberano sa pagpahat ug yuta alang sa mga tawo diha sa paagi nga matuman ang iyang katuyoan.​—Sal 24:1.