GESUR

1. Usa ka Aramaeanhong gingharian nga ang utlanan mao ang Argob nga rehiyon sa Basan, sa S sa Suba sa Jordan. Ang silingan niini sa amihanan mao ang Maacat. Bisan tuod ang unang pagpanakop sa Israel miabot hangtod sa Gesur, ang maong rehiyon wala mailog. (Deu 3:14; Jos 12:​1, 4, 5; 13:13) Didto sa Gesur, ang gingharian ni Talmai nga apohang lalaki ni Absalom sa banay sa iyang inahan, nga si Absalom mikalagiw human patya ang iyang igsoong lalaki sa amahan nga si Amnon. Didto siya nagpabilin ingong hininginlan sulod sa tulo ka tuig, hangtod nga siya gipabalik ni Joab sa Jerusalem. (2Sa 3:​2, 3; 13:28-38; 14:23; 15:8) Sa ulahing yugto gidugang sa Gesur ug Sirya sa teritoryo niini ang daghang Israelinhong mga siyudad sa S sa Jordan.​—1Cr 2:23.

2. Ang teritoryo sa mga Gesurihanon sa habagatang Palestina, nga duol sa teritoryo sa mga Filistehanon. (Jos 13:2; 1Sa 27:7-11) Sa pagtumong niini nga dapit, ang ngalan nga “Gesur” wala hisgoti nga espesipiko.