Megido

KAY maayo ang pagkapuwesto niini ug nagkontrolar sa pangunang mga ruta sa negosyo ug militar, ang Megido nahimong sentro sa internasyonal nga interes sa kapanahonan sa Bibliya. Sa patag nga walog diha sa ubos niini nahitabo ang daghang mahukmanong mga gubat. Busa, ang basahon sa Pinadayag haom nga nagngalan sa nagsingabot nga “gubat sa dakong adlaw sa Diyos nga Labing Gamhanan” ingong Har–​Magedon (gikan sa Heb., nga nagkahulogang “Bukid sa Megido”). Apan, dili diha sa literal nga Megido nga kining gubata sangkaon. Maglakip kini “sa mga hari sa tibuok gipuy-ang yuta.” (Pin 16:​14, 16) Nianang higayona walay tawhanong magmamando ang modaog. Ang Gingharian sa Diyos mao ang modaog kanilang tanan, nga magbindikar kang Jehova nga Diyos, ang Labing Gamhanan, ingong Unibersohanong Soberano.