HEPER

[1-3: Siya Nangita].

1. Usa ka anak nga lalaki ni Gilead ug apo-sa-tuhod ni Manases; katigulangan sa mga Hepernon. (Num 26:​29, 30, 32; 27:1) Si Heper mao ang amahan ni Zelopehad nga nailhang walay mga anak nga lalaki apan may lima ka anak nga babaye kansang kaso nagtaganag legal nga sumbanan sa pagdumala sa mga panulondon kon walay anak nga lalaki.​—Num 26:33; 27:1-11; Jos 17:​2, 3.

2. Usa ka kaliwat ni Juda; anak nga lalaki ni Ashur pinaagi sa iyang asawa nga si Naara.​—1Cr 4:​1, 5, 6.

3. Usa ka Mekerathanon; usa sa talagsaong mga manggugubat ni David.​—1Cr 11:​26, 36.

4. [Nagkalot [nga mao, sa usa ka gahong-sa-tubig]]. Lagmit nga usa ka siyudad ug usa ka distrito sa K sa Jordan. Ang hari sa Canaanhong siyudad sa Heper maoy usa sa mga gipildi ni Josue. (Jos 12:​7, 8, 17) Sa panahon ni Solomon, ang distrito sa Heper, maingon man ang Socoh, nailalom sa hurisdiksiyon sa usa ka tinudlong luyoluyo. (1Ha 4:​7, 10) Ang tukmang nahimutangan sa karaang Heper wala sa tino mahibaloi. Gituohan sa pipila nga mao kini ang Tell el-Ifshar (Tel Hefer), mga 40 km (25 mi) sa AAS sa Tel Aviv-Yafo.