HODIAS

[Ang Dignidad Mao si Jah].

1. Usa ka tawo nga naminyo sa igsoong babaye sa usa ka Naham. Ang ngalan makita diha sa talaan sa kagikan ni Juda.​—1Cr 4:​1, 19.

2. Usa ka Levihanon nga mitabang kang Esdras sa pagpatin-aw sa balaod ni Jehova ngadto sa kongregasyon sa Israel nga nagkatigom atubangan sa Ganghaan sa Tubig diha sa plasa sa Jerusalem, ug dayag nga usa usab niadtong nagsugo sa mga anak sa Israel sa pagdayeg kang Jehova ug sa Iyang mahimayaong ngalan ug dayon nagrepaso sa mga pakiglabot sa Diyos uban sa Iyang katawhan. (Neh 8:​1, 5, 7; 9:5) Kini nga Hodias mao ra tingali ang Num. 3 o 4.

3, 4. Ang ngalan sa duha ka Levihanon kansang mga kaliwat, kon dili man sila mismo, nagpamatuod pinaagig timbre sa kontrata sa pagsugid nga gihimo panahon sa pagkagobernador ni Nehemias. Kon sila man ugaling ang personal nga nagtimbre, nan ang usa kanila hayan mao ang Num. 2.​—Neh 9:38; 10:​1, 9, 10, 13.

5. Usa sa “mga pangulo sa katawhan” kansang kaliwat, kon dili man siya mismo, nagpamatuod sa kontrata sa pagsugid sa adlaw ni Nehemias.​—Neh 10:​1, 14, 18.