JAPIA

[1, 2: Hinaot [ang Diyos] Modan-ag; [Ang Diyos] Midan-ag]

1. Ang hari sa Lakis nga nakig-abin sa kasundalohan sa upat ka uban pang mga hari nga Amorihanon aron silotan ang Gabaon tungod sa pagpakigdait sa Israel. (Jos 10:3-5) Kay nagpakitabang ang Gabaon, ang kasundalohan ni Josue milihok gikan sa Gilgal aron sa pagluwas kanila. Sa nahitabong gubat human niadto, ang mga Israelinhon nagtanggong kang Japia ug sa iyang kaalyadong mga hari sa usa ka langob sa Makeda. Sa ulahi siya ug ang ubang mga hari gipatay ug ang ilang patayng mga lawas gibitay sa mga estaka hangtod sa pagsalop sa adlaw, nga human niana sila gisalibay ngadto sa langob nga ilang gidangpan.​—Jos 10:6-27.

2. Usa ka anak nga lalaki ni David nga natawo sa Jerusalem.​—2Sa 5:​14, 15; 1Cr 3:7; 14:6.

3. Usa ka dapit nga utlanan sa Zabulon. (Jos 19:​10, 12) Kini gituohang mao ang modernong Yafa (Yafia), wala pay 3 km (2 mi) sa HK sa Nasaret.