MAKEDA

Usa ka harianong siyudad sa Canaan diha sa Sepela. Didto sa langob sa Makeda nagtago ang lima ka magkaalyadong mga hari nga nakigbatok sa mga Gabaonhon ug unya sila temporaryong gitakpan sa sulod sa langob ayha pa sila gipamatay. Human niadto, kini nga langob nahimong ilang lubnganan, ug ang kasundalohan sa Israel ubos sa pagmando ni Josue nag-ilog sa siyudad sa Makeda ug nagtugyan niini sa kalaglagan. Sa panahon sa pagbahinbahin sa Yutang Saad, ang Makeda gipahat ngadto sa tribo ni Juda.​—Jos 10:5-29; 12:​7, 8, 16; 15:​20, 33, 41.

Ang tukmang nahimutangan sa Makeda dili matino. Gituohan nga lagmit mao kini ang Khirbet el-Kheishum, mga 4 km (2.5 mi) sa AAS sa Azeka. Ang daghang kagun-oban ug ang kasikbit nga mga langob maoy nagsilbing ilhanan niining dapita.