JERAMEELINHON

[Kang (Iya ni) Jerameel].

Ang mga kaliwat ni Juda pinaagi kang Jerameel nga anak nga lalaki ni Hesron. (1Cr 2:​4, 9, 25-27, 33, 42) Ang mga Jerameelinhon namuyo sa habagatang bahin sa Juda, lagmit sa mao ra nga rehiyon nga gipuy-an sa mga Amalekanhon, Gesurihanon, ug Girzihanon nga gisulong ni David samtang siya nagpuyo taliwala sa mga Filistehanon ingong kagiw gikan kang Haring Saul. Sa pagpauli gikan niini nga mga pagsulong, si David dili tin-awng nagtaho nga sila misulong “sa habagatan sa Juda ug sa habagatan sa mga Jerameelinhon ug sa habagatan sa mga Kenihanon.” Busa, ang Filistehanon nga si Haring Akis nagtuo nga si David misulong sa mga Israelinhon, sa ingon naghimo sa iyang kaugalingon nga lang-og sa iyang mga katagilungsod ug nagpadako sa iyang kabililhon ngadto kang Akis. (1Sa 27:7-12) Sa pagkatinuod, sa ulahi si David nagpaambit ug mga inagaw sa gubat sa mga ansiyano “sa mga siyudad sa mga Jerameelinhon.”​—1Sa 30:​26, 29.