JESIMON

[Desyerto].

1. Usa ka hawan nga dapit sa kamingawan nga lagmit diha sa AS nga tumoy sa Patayng Dagat, nga niining dapita tingali nahimutang ang Bet-jesimot. Lagmit nga ang Pisga ug Peor nag-umbaw sa Jesimon.​—Num 21:20; 23:28; Jos 12:1-3.

2. Usa ka rehiyon nga duol sa Zip, nga nahimutang sa A sa Kamingawan sa Maon. Mopatim-aw nga lakip sa Jesimon ang usa ka bahin sa Kamingawan sa Juda ug nahimutang pipila ka milya sa HS sa Hebron. Dinhi niining dapita nga walay kakahoyan, punog tisas nga kabungtoran nga si David ug ang iyang mga tawo nagtago gikan kang Haring Saul.​—1Sa 23:​19, 24; 26:​1, 3; tan-awa ang JUDA, KAMINGAWAN SA.