KANA

[Tangbo; Caña].

1. Usa ka bul-oganang walog nga nagsilbing utlanan tali sa Epraim ug Manases. (Jos 16:8; 17:9) Karong adlawa kasagarang giisip nga mao kini ang Wadi Qanah (Nahal Qana). Kining gamay nga sapa nagsukad sa kabungtoran pipila ka kilometro sa HK sa Nablus ug, ingong ang Wadi Ishkar, moagos paingon sa habagatan-kasadpan nga direksiyon ug dayon moipon sa Wadi Yarkon (Nahal Yarqon), nga moagos ngadto sa Dagat Mediteranyo sa A sa Tel Aviv-Yafo. Apan, ang pipila ka eskolar nagtuo nga sa adlaw ni Josue ang ubos nga bahin sa Wadi Qanah tingali deretsong miagos ngadto sa Mediteranyo diha sa usa ka dapit nga mga 10 km (6 mi) unahan pa dapit sa A.

2. Usa ka utlanan nga siyudad sa Aser. (Jos 19:​24, 28) Gituohan sa kadaghanan nga mao kini ang modernong Qana, mga 12 km (7.5 mi) sa SHS sa Tiro.