KEDEMOT

[gikan sa lintunganayng pulong nga nagkahulogang “sidlakan”].

Ang ngalan nagtumong sa usa ka siyudad sa S sa Jordan ug lagmit usab sa kamingawan nga naglibot niini. Gikan sa Kamingawan sa Kedemot, si Moises nagpadalag mga mensahero ngadto sa Amorihanon nga si Haring Sihon, nga naghangyog pagtugot nga moagi sa iyang yuta. (Deu 2:​26, 27) Unang gihatag ngadto sa mga Rubenhon, ang Kedemot sa ulahi gipahat ngadto sa Merarihanong mga Levihanon. (Jos 13:​15, 18; 21:​34, 36, 37; 1Cr 6:77-79) Ang kadaghanang eskolar mipabor sa pagtuo nga kini maoy usa sa mga bungdo haduol sa dapit diin nagsukad ang bul-oganang walog sa Arnon, sama sa Qasr ez-Zaʽfaran, nga nahimutang mga 16 km (10 mi) sa AS sa dapit nga gihunahunang mao ang karaang Dibon.