KELITA

[lagmit gikan sa lintunganayng pulong nga nagkahulogang “mubo kaayo” [nga mao, nahimong inano]].

1. Usa sa mga Levihanon sa adlaw ni Esdras nga midawat sa ilang pagkasad-an tungod sa pagpangasawag langyawng mga asawa ug busa nagpapahawa kanila. Siya gitawag usab ug Kelaia. (Esd 10:​23, 44) Lagmit mao ra ang Num. 2 ug 3.

2. Usa ka Levihanon nga mitabang kang Esdras sa ‘pagpatin-aw sa balaod ngadto sa katawhan’ niadtong 455 W.K.P.​—Neh 8:​7, 8; tan-awa ang Num. 1.

3. Usa ka Levihanon kansang kaliwat, kon dili man siya mismo, nagpamatuod pinaagig timbre sa “kasaligang kontrata” sa panahon ni Nehemias. (Neh 9:38; 10:​1, 9, 10) Kon si Kelita mismo, inay nga usa ka kaliwat, ang didto sa dihang gihimo kini nga kasabotan, siya lagmit mao ra gayod ang Num. 1 o ang Num. 2.