MALUKI

Usa ka banay sa mga saserdote kansang hawas nag-alagad sa mga adlaw sa Hataas nga Saserdoteng si Joiakim, ug sa mga adlaw ni Esdras ug ni Gobernador Nehemias.​—Neh 12:​12, 14, 26.

Ang ngalang Maluki makita diha sa Masoretikong teksto nga may kere, o nota sa panaplin, nga nag-ingong kini angayng basahon nga “Melicu,” diin kini nga porma makaplagan diha sa King James Version. Ang mabasa diha sa Gregong Septuagint maoy “Maluk,” nga gihunahuna sa pipila ka eskolar nga mao ang orihinal nga porma. Gituohan niini nga mga eskolar (apan dili kini mapamatud-an) nga ang pagdugang ug i (yohdh [י] diha sa Hebreohanon) sa tumoy sa ngalan nahitabo sa dihang ang unang letra sa nagsunod nga pulong nasubli nga wala tuyoa sa dihang gikopya ang manuskrito.