MEONENIM, DAKONG KAHOY SA

[Mga Salamangkero].

Usa ka kahoy nga makita gikan sa Sekem, nga gilabyan sa usa ka pundok sa mga tawo ni Haring Abimelek una pa sa ilang pagpakig-away sa mga tag-iyag yuta sa maong siyudad. (Huk 9:34-37) Ang “dakong kahoy sa Meonenim” maoy hubad sa Hebreohanong mga pulong nga ʼe·lohnʹ meʽoh·nenimʹ. Ang ʼe·lohnʹ nagtumong sa dagkong mga kahoy sa katibuk-an, ug ang meʽoh·nenimʹ maoy usa ka participle nga nagtumong sa “mga salamangkero.” (Tan-awa ang Deu 18:14.) Kini mao ang gingalan niining kahoya tungod kay ang mga Canaanhon o ang apostatang mga Israelinhon naghimo ug mga kalaki sa salamangka didto. Gituohan sa pipila ka eskolar nga ang “dakong kahoy sa Meonenim” mao ra usab ang “dagkong mga kahoy sa More” nga samang gihubit ingong duol sa Sekem.​—Itandi ang Gen 12:6; 35:4; Huk 9:6.