MORE

1. Tingali sa panahon ni Abraham ang dagkong mga kahoy sa More nahimong usa ka iladong ilhanan duol sa Sekem ug mopatim-awng nagpabilin nga ingon niana sulod sa kasiglohan human niana. (Gen 12:6; Deu 11:30; tingali mao usab ang gitumong diha sa Gen 35:4; Jos 24:​25, 26; Huk 9:6.) Giisip sa pipila ka eskolar nga ang “dakong kahoy sa Meonenim” mao ang “dagkong mga kahoy sa More.” (Huk 9:37) Tingali “More” ang ngalan sa orihinal nga tag-iya sa luna sa yuta duol sa Sekem nga adunay usa ka dako kaayong kahoy o usa ka pundok o plantasyon sa dagkong mga kahoy.

2. Ang ngalan sa usa ka bungtod nga sa duol niini gipildi ni Gideon ang mga Midianhon. (Huk 7:1) Kini nga bungtod giisip sa kadaghanan nga mao ang abohon ug kolor, upawng tagaytay sa Jebel Dahi (Givʽat Ha-More), mga 8 km (5 mi) sa A sa gituohang nahimutangan sa atabay ni Harod.