MERATAIM

[lagmit, Dobleng Pagrebelde].

Usa ka ngalan nga gipadapat sa siyudad sa Babilonya o, lagmit, sa usa ka partikular nga teritoryo sa Babilonya. (Jer 50:​21, 23, 24) Tingali kini nagtumong sa nar marratu diha sa mga inskripsiyon sa Babilonya, nga giisip nga mao ang Gulpo sa Persia diin nganha niana moagos ang mga suba sa Tigris ug Euprates. Dayag nga kini maoy kokaamgid sa Hebreohanong berbo nga ma·rahʹ (mahimong rebelyoso). Ingong dual form nga gikuha gikan sa ma·rahʹ, ang Merataim mahimong nagtumong sa kagrabe sa pagrebelde sa Babilonya. Sukad sa mga adlaw sa magtutukod niini nga si Nimrod, ang binuhatan sa Babilonya maoy usa ka pagrebelde batok kang Jehova.​—Gen 10:8-10.